مواضيع مهمة

مرحبا بكن في ربة بيت ممتازة
بتاريخ : 26‏/10‏/2014

قريشلات ومملحات لذاذ لعاشوراء بالصور





500غ زبدة


4 بيضات


4 فرماج (مثلث)


1 ملعقة كبيرة موطارد


1 كنور


ابزار


ملعقة صغيرة ونصف ملح


جبن مبشور


الطحين حسب الخليط


طريقة تحضير قريشلات مالحين بالصور


كنخلطو هاد العناصر مع اضافة الطحين في الاخير


و نكورو 5 كويرات باش كل واحدة والشكل اللي غنديروه بيه








في الاول نشكلو هاد الشكل






غناخدو واحد الكرة ونضيفو ليها 


ملعقة ديال صلصة الطماطم 






نخدموها باليد 


نديرو منها قطبان رقيقة


بحال هاد الصورة






وندخلوها الفريز باش تشد فراسها وتسهل علينا عملية التقطاع


من بعد ما نخرجوها من الفريز نقطعوها ونديروها في الفران


بالنسبة للشكل الثاني






ناخدو واحد الكورة من العجينة نسرحوها فوق الطاولة


و غنحتاجو معاها بيضة مخفوقة 


و مرتديلا (الكاشير) محكوكة في الحكاكة






ندهنو العجينة بالبيض


ونرشو فوقها الكاشير






ونبداو كنلفوها


ندخلوها للفريز حتى تشد فراسها عاد نقطعوها


وندخلوها للفران


بالنسبة للشكل الثالث






ناخدو كرة من العجينة


وملعقة من الزعتر


ونخلطو مع العجينة






ونشكلو منه حرابل بحال اللي في الصورة







وندخلوها للفريز 


ومن بعد نقطعوها 








ويدخل للفران


اما الشكل الرابع






غنحتاجو واحد العجينة 


وشوي ديال السانوج


وبيضة


نشكلو حرابل من العجينة وندهنوها بالبيض ونفندوها في السانوج










ونتبعو نفس الطريقة ندخلوه الفريز من بعد نقطعوه ويدخل للفران


وبالنسبة لهاد الشكل



كناخدو 2 العجينات واحدة كنخليوها كيما هي


والتانية نزيدو عليها ملعقة ديال لهريسة






وغنحتاجو كذلك الكاشير وبيضة للدهن


نديرو العجينة الاولى و نديرو عليها التانية اللي فيها لهريسة ونسرحوها


وندهنوها بالبيض ونرشو عليها الكاشير ونلفوها 


وندخلها للفريز و من بعد نقطعها






يدخل للفران


اما الاخيرة






غنحتاجو واحد الكرة ديال العجينة ديالنا

وبيضة للدهن

وفورماج مبشور

ندهنو العجينة من بعد ما سرحناها

ونرشو هليها من فوق الفورماج





ونلفوها وندخلوها الفريز ومن بعد ما نخرجوها نقطعوها وندخلوها الفران
وها حنا وجدنا تبيسيل ديال المالح كيشهي











وهذا الشكل النهائي للقريشلات مالحين


التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة