مواضيع مهمة

مرحبا بكن في ربة بيت ممتازة
بتاريخ : 11‏/11‏/2014

مقادير صينية جلاش تاكلي أصابعك وراها



مقادير صينية جلاش تاكلي أصابعك وراها





المقادير 
-لفه جلاش
-علبتين زبادى
-3بيض
-م ك بيكنج بودر
-فانيليا
-1/4كوبايه سكر
-1/2 كوبايه زيت

اول حاجه هناخد ورقه الجلاش ونكرمشها كاننا بنكرمش ورقه عاديه وهنرميها 
ونعمل باقى الجلاش بالشكل ده ونرصهم فى الصينيه جنب بعض والصينيه طبعا تكون مدهونه زيت


وبعدين بنضرب باقى المكونات
البيض+الزبادى+الزيت+الفانيليا والبيكنج بودر+السكر
نضربهم كويس اووى


وبعدين نصب الخليط ده على ورق الجلاش اللى فى الصينيه ولازم المقدار يبقى مغطى ورق الجلاش كله يعنى يبقى فوقه بنسبه بسيطه وده هيبقى واضح فى الصوره اللى جايه


شايفين النسبه بتاع الخليط مغطيه ورق الجلاش 
ندخلها بقا على فرن ساخن 180 درجه ونسيبها حوالى نص ساعه او اكتر على حسب فرنك 
واوال ماتحمر من الجناب نقفل الفرن ونشغل الشوايه تاخد لون


وده شكلها اول ماطلعت ماشاء الله شكلها مشهى جدا وعلطووول نسقيها بسيرب باااااااااااارد (شربات)
وده طريقته
2كوب سكر+كوب ميه ونغليهم مع بعض واول مايغلوا نعصر نص ليمونه ونسيبه يبرد خالص وبعدين نضيف رشه فانيليا ونقلبه بتدى نكهه حلوه اووى للسيرب


وده طبعا بعد مااتاكلت مش عايزه اقولكم طعمها ايه بجد ماشاء الله تحفففففففففففه 

استنوا فى صوره كمان لزوم التعذيب النفسى 
تاتاتاتاتاتاااااااااا بجد ماشاء الله تجنننننن اتمنى تجروبها وتعجبكم 
ولو عجبتكم الطريقه مش عايزه غير دعوه حلوه بظهر الغيب ان ربنا يقر عينى بما اتمـــــــــــــنى ويريح قلبى ويسعدنى ويبعد عنى وعن اهلى اى ضرر او حزن


والطبق ده للفتوكه اللى هتدعيلى دعوه من قلبها بظهر الغيب حتى لو مش هتكتبيها فى مشاركه كفايه انك تقرى موضوعى وتدعيلى 

فى رعايه الله










التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة