مواضيع مهمة

مرحبا بكن في ربة بيت ممتازة
بتاريخ : 13‏/11‏/2014

مقادير كيك بالشوكولاطة راقي وروعة في المذاق

مقادير كيك بالشوكولاطة راقي وروعة في المذاق





كيكه الباونتي بجد لذييييييييييذه وهي عباره عن طبقتين الاولي كيكه شكولاته والتانيه شكولاته باونتي ( جوز هند وشكولاته ) 
يلا نشوف شكلها 
وكمان 


ها ايه رايكم 
نشوف الطريقه 
اولا هنحضر كيكه شكولاته 
وانا نزلت طريقتها قبل كده والنهارده عملت نفس الكيكه بس بأختلاف ماكنش فيه عندي زبادي فأستخدمت حليب سايل 
المكونات 
2 كوب دقيق ماعدا معلقتين كاكاو 
معلقه كبيره بيكنج بودر مع بعض في طبق العجن 
4 بيض 
كوبايه حليب 
كوبايه وربع سكر 
ربع كوب زيت 
50 جرام زبده ( تقريبا تلت كوب اقل من النص )
فانيليا 
الطريقه 
البيض مع السكر والفانيليا في الخلاط 
ونضيف الزيت والزبده وبعدين الحليب وفي الاخر نضيف معلقيتن الكاكاو 
ده شكل الخليط 
ونضيفم علي الدقيق ونقلبهم كويس ونحطهم في صينيه كبيره ( ودي ملحوظه مهمه يابنات عشان احنا مش عاوزين الكيكه تكون مرتفع معايا جامد لاني لسه هعمل طبقه تانيه عليها ويكون شكلها ف الاخر حلو ومناسب )
وندخلها الفرن علي حراره 180 لفرن مسخن كويس قبلها 
هنا بعد ما استويت 
نسيبها تبرد ونجهز طبقه الباونتي 
المكونات 2كوب جوز هند 
تلت كوب زبده 
نص كوب سكر
كوبايه حليب سايل 
الاول الحليب مع السكر والزبده علي النار لحد الغليان 
وبعدين نضيف جوز الهند بتاعنا
ونقلب كويس لحد ما تتماسك معايا 
وهنا خلاص بقه جاهز اهو وطعمه يابنات روووعه بجد حتي من غير ما نضيف شكولاته عليه 
نبتدي نفرده كويس علي الكيكه ونعمل طبقه منه 
هنا حطيته كله وبقه طبقه سميكه علي الكيكه 
ندخلها التلاجه علي ما نعمل طبقه الشيكولاتة 
وهستخدم 
3 جلاكسي ساده وعلبه قشطه 
علي حمام مائي نسيح الشكولاته بتاعتي 
واول ما تسيح كويس نضيف القشطه ونقلبها لحد ما تتمزج كويس 
وده الصوص خلاص بقه جاهز اهو 
نضيفه لطبقه جوز الهند بالكامل





نضيف الصوص بتاعنا
خلاص غطيت جوز الهند بالكامل

وندخلها التلاجه ساعه تقريبا لحد ما تتماسك كويس معايا عشان تعرفي تقطيعها 
هنا بعد التقطيع 

وطبعا الصينيه من اللي بتتفتح زي التشيز بتكون اسهل واحلي كتير 

وهنا وقت التقديم انا زينتها بشكولاته مالتيزرز وصوص شكولاته حاجه بسيطه 
وشويه صور للتعذيب بقه ههههههههه

زوووووم
وهنا الطبقات واضحه اهي 
وكمااان


وبجد يابنات طعمها فوق الوصف زي ما قلتلكم 

وبس كده اتمني كيكتي تكون عجبتكم وان شاء الله تجربوها وتعجبكم

التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة