مواضيع مهمة

مرحبا بكن في ربة بيت ممتازة
بتاريخ : 11‏/11‏/2014

مقادير بقلاوة بيضاء راقية وسريعة التحضير



مقادير بقلاوة بيضاء راقية وسريعة التحضير 






مكونات البقلاوة
المكونات
زي ما شايفين
مكوناتها بسيطه
كيلو دقيق
كيلو نشا
ماء
ومعلقتين سمنه
للحشو مكسرات
وشربات للتحليه
لكل كوب سكر كوبين ماء 
وعند الغلية عصرة ليمون
حتي يستوي الشربات
الطريقة
بنضيف الدقيق 
ورشة الملح ونعجن بالماء
ولما نقرب ننتهي من العجن نضيف السمنه ونستمر في العجن
نستمر في العجن لغاية ما تتشرب العجينة السمن
نسيبها بقي ساعة ترتاح
بعد الساعه نقطعها 12 كورة ونغطيها بالنشا وندخلها التلاجه لتاني يوم
ده بيديها انسيابيه في الفرد
بس المهم ان العجينه نفسها متكونش طريه قوي
ولا جامده قوي
تكون مظبوطه
بناخد الكور دي ومحتاجين طبعا مكان واسع نفرد فيه
نفرد اول فطيره ونغطيها بالنشا
طبعا مش بنفردها قوي لا نفردها دايرة صغيره كده وبعد ما نغطيها بالنشا نفرد التانيه ونحطها عليها ونغطيها تاني بالنشا
لغاية ما نخلص ال12 فطيره
اتعاملي مع الفطيرات بخفه علي شان ممكن تتقطع منك
هنا بقي نبدا نستخدم النشابه
مع الحرص علي ان النشا بين الفطيرات يكون كتيرررررررررر
نفرد الفطيرات اللي فوق بعضه دول لغاية ما نحس انهم اتفردوا خلاص وقربوا يكونوا فطيره واحده
بس لو رفعتي من الجنب كده هتلاقيه كذا فطيره فوق بعض
نبدا نقطع الفطير
اول حاجه انا جبت الصنية اللي هعمل فيها بقلاوه وحطيتها علي الفطير وبطرف السكين خدت مقاس الصنية وقطعتها كده
يبقي حطيت الصنية علي الفطير وححدت مقاسها بالسكين وقطعت
بقي عندنا في الصنية 12 فطيرة رقيقين جدا
حطيت المكسرات بقي
وتاني قطعت الفطير علي مقاس الصنية وغطيت المكسرات
وقطعتها بالسكين بالشكل ده
وسقيتها سمنه بلدي مخلوطه بزيت دره
جبت بقي المكسرات وحطيتها علي طرف الفطير
ومسكت الفطير وطبقته علي المكسرات علي شان اعمل عش البلبل
كمان عملت شكل تاني
عيشي انتي مع الفطير واعملي الشكل اللي تحبيه
دول بقي بقلاوة علي شكل حجاب وسواريه
اما اصابع البقلاوة
اهو قطعت بالسكين مستطيل كبير
وحطيت المكسرات في النص ولفيت الفطير

ممكن تحشي بدل المكسرات كريمة
ودي عبارة عن لبن ونشا بدون سكر وتسويهم علي النار
اهم حاجه السمنه تبقي كده مغرقة البقلاوة
دي هنصفيها بعد السوا

والتسوية هتسخني الفرن
بعدين تدخلي البقلاوة
علي درجة حرارة متوسطه وبعديت تخفضيها علي شان تستوي كويس
وتخرجيها تصفيها وتسقيها الشربات
وحاولي ميكونش كتير قوي
وبالهنااااااااااااااااااااااااااااااااااا
اسيبكم مع البقلاوة




شايفين التوريق بتاع البقلاوة

يلا بقي 
استودعكم الله
ممكن تصلي علي الحبيب


التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة