مواضيع مهمة

مرحبا بكن في ربة بيت ممتازة
بتاريخ : 08‏/11‏/2016

كيك البطاطا بمكون سحري لا يصدق والمذاق خيالي



كيك البطاطا بمكون سحري لا يصدق والمذاق خيالي

كيكة جميلة و هشة ان شاء الله حتعجبكم جدا و نستفيد من البطاطا مش انها بس تكون مشوية .....

المقادير : 

٣ أكواب دقيق ، رشة ملح 
١ كوب زبدة ( ٢٠٠ جم ) بدرجة حرارة الغرفة 
٢ كوب سكر بودرة 
٢ كوب بطاطا مشوية و مهروسة ( تقريبا ٤ حبات بطاطا وسط ) 
٤ بيضات ، فانيليا 
٢ معلقة صغيرة بيكنج بودر 
١ معلقة صغيرة قرفة 
نصف معلقة صغيرة بيكربونات الصوديوم ( كربوناتو) 

الطريقة : 
١- يسخن الفرن علي حرارة متوسطة ( ١٨٠ درجة ) و يدهن قالب الكيك بالسمن و يرش بالدقيق 
٢- تنخل المكونات الجافة ( الدقيق ، الملح ، الفانيليا ، البيكنج بودر ، البيكنج صودا ، القرفة ) و توضع جانبا 
٣- نخلط الزبد مع السكر حتي يصبح القوام كريمي ثم نضيف البطاطا و نقلب جيدا 
٤- نضيف البيض واحدة بواحدة مع التقليب المستمر 
٥- نضيف المكونات الجافة تدريجيا و نقلب جيدا - الخليط حيكون سميك شوية ممكن توقفي المضرب و تقلبي بمعلقة خشب علشان تتأكدي ان المكونات كلها اتخلطت كويس - 
٦- يصب في قالب الكيك يدوب لحد ثلثين القالب و لو باقي خليط كيك ممكن تصبيه في قوالب الكب كيك او قوالب كريم كاراميل بس تكون مدهونة بالسمن و مرشوشة بالدقيق 
٧- نضع الكيك في الفرن في الرف الأوسط و ما نفتحش خالص الا بعد ثلث ساعة لو الوش احمر و الكيكة لسه ما استوتش غطي الوش و سيبيها تكمل سوا 
٨- لما نطلع الكيكة نسيبها تهدأ في القالب حوالي ١٠ دقايق و بعدين نقلبها و نسيبها تبرد خالص ثم تقطع و تقدم 

التزيين : اختياري 
سكر بودرة مع قليل من الماء او عصير البرتقال و نقلب بس القوام يكون سميك و نصبه علي الكيكة و الكيكة دافئة ..


التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة