مواضيع مهمة

مرحبا بكن في ربة بيت ممتازة
بتاريخ : 20‏/01‏/2017

وصفة مجربة رائعة لمعالجة الشعر الجاف والمتقصف

بسم الله الرحمن الرحيم


هلا
قبل مااكتب اى وصفات حبيت احذركم من حاجه خطيره جدا وهى فرد الشعر بالحنه السوداء اللى بتفرد الشعر لمدة سنه 
اختي عملتها وفعلا كان شعرها اكثر من رائع وخطير ولكن بعد مرور 7 اشهر من عملها بدا شعرها بالتساقط بطريقه فظيعه وصلنا للسنه وشعرها اصبح عند مؤخرة رقبتها بعد ان كان يصل الى نصف ظهرها
والسبب عندما سالت عرفت انه اى حنه لا تترك على الشعر اكثر من 3 ساعات ولكن هذه الحنه تترك 24 ساعه على الشعر 
ابدا دلوقت اقولكم على بعض الوصفات اللى تعملها اختي وجابت نتيجه حلوه وكفايه انها طبيعيه ومفيش فيها كيماويات
و ما تنسونيش بالدعاء
1- الخلطه دى تطرى الشعر وممكن تعمليها مرتين بالاسبوع
2 معلقة مايونيز +كوب زبادى صغير + بيضه +3 ملعقة بلسم شعر
تخلطيها كويس وبعدين تغرقى شعرك بيها وتغطى شعرك بكيس وتسيبيه ساعه وبعدين تغسلى شعرك بماء دافى فقط بدون شامبو ثم بلسم واشطفيه كويس
الحنه بقى --دى حنه لفرد الشعر بس مش من اول مره وطبعا على حسب طبيعة شعر كل واحده--وممكن تعمليها كل اسبوع مفيش منها مشكله بس اهم حاجه تقعد على شعرك 3 ساعات بس
10 ملاعق حنه + علبة كانز سفن اب + ملعقة كاكاو خام + ملعقة نسكافيه + عصير لمونه صغيره + 2 ملعقه خل احمر
تخلطى المقادير وطبعا بدون مياه وتتركيها تتخمر ساعتين وبعدها تعمليها على شعرك 
وبعد 3 ساعات تشطفيها بالماء الدافىء وبعد كده بالبلسم
الزيوت بقى 
خلطة الزيوت دى خطيره
ممكن تتعمل حمام زيت او تدهنى شعرك بيها باى وقت
زيت حبة البركه +زيت الجرجير + زيت الخروع +زيت جوز الهند + زيت الزيتون + زيت الذره 
وبلاش بقى حرق الشعر ده يابنات


التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة