مواضيع مهمة

مرحبا بكن في ربة بيت ممتازة
بتاريخ : 08‏/01‏/2017

طارت كلاصي راقية للضيوف والمناسبات



طارت كلاصي راقية للضيوف والمناسبات


طورطة كلاصي بموس الشكلاط و موس القهوة وطبقة الكركاع المقرمشة
الجنواز : 4 بيضات،120غرام دقيق مغربل
،120غرام سنيدة، نصف خمارة ،شوية الملح ،2معالق كبار كاكاو 
نطرب سنيدة مع البيض و شوية الملح مزيان
ثم نزيد الدقيق والخمارة و الكاكاو مغربلين شوية بشوية مع التحراك من الأسفل الى الأعلى ، ثم ندير الخليط في مول مدهون و مفرش بورق الزبدة و ندخلوها للفرن لمدة 10 دقايق ملي طيب نقطعوها حسب الحجم لي بغينا بعدما تبرد وترتاح مزيان (من الأفضل دائما تحضير الجنواز بيوم واحد قبل)
لاموس الشكلاط : 250غرام شكلاط نوعية جيدة،4أصفر البيض،100غرام زبدة،70غرام سكر،250غرام قشدة طرية.⬅️نذوّب الشكلاط في حمام مريم ثم نضيف له الزبدة ثم نزيله من فوق النار ونخليه يبرد شيئا ما ونبدا بإضافة اصفر البيض واحدة تلو الاخرى مع التحريك المستمر ونرجعه فوق النار 5دقايق مع التحريك ثم نطفئ النار ونصفيه في صفاية ونخليه يبرد ونطرب القشدة الطرية حتى تطلع ونبدا نخلطها معاه من فوق لتحت حتى ينسجم الكل وتصبح جاهزة.
لاموس بالقهوة:250غ سنيدة، كاس ماء ،3ملاعق نسكافي،3بيضات ،
350غ كريم فريش مطلعة بدون سكر
4 أوراق الجيلاتين⬅️كناخذو السكر ونحطوه فوق نار مهييييلة حتى يذوب كامل بوحدو بدون لمسه بأي أداة،ثم نضيف له كاس ماء ندوبو فيه نسكافي مع الحذر (غادي يبدا يبقق بزاف)و التحريك المستمرحتى ينسجم كلشي ونزولو من فوق النار ونضيفو البيض مخلط و نحركوه بسرعة ونرجعه فوق النار حتى يعقاد ونطفي النار ونضيف أوراق الجيلاتين المرطبة فالماء والمعصورة وكنصفيوه ونخليوه حتى يبرد ثم نضيفو الشونتيي لي طربناها مع الخلط من فوق لتحت حتى الحصول على كريمة متجانسة وتصبح لاموس بالقهوة جاهزة.
الطبقة المقرمشة:نذوّب 100غرام شكلاط، ونخلطها مع ملعقتان دانيت شكلاط و 1000غرام كركاع مهرمش .

المونطاج:ناخذو الإطار نحط الجنواز نسقيوها ماء سكر نسكافي،نعملو لاموس بالقهوة ندخلوها المجمد ساعة ثم طبقة ثانية من الجنواز ونسقيوها ثم نضيف الطبقة المقرمشة ثم طبقة لاموس بالشكلاط والكلاصاج نذوّب 100غرام شكلاط نخلط معاه ملعقة زبدة و ربع كوب قشدة طرية سائلة نغطي بيه الطورطة وندخلها المجمد والتزيين حسب الذوق.



التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة