مواضيع مهمة

مرحبا بكن في ربة بيت ممتازة
بتاريخ : 26‏/01‏/2017

للتخلص من الشعر الزائد في أي منطقة في الجسم وللأبد



للتخلص من الشعر الزائد في أي منطقة في الجسم وللأبد

السلام عليكم و رحمة الله 
ما غاديش نطول عليكم نتوما خواتاتي و بغيت نقوليكم السر ديالي مع هاد المشكل و لكن قبل غادي نقول ليكم معاناتي مع ازالة الشعر من المنطقة هاديك , قبل الزواج كنت عارفة باللي الحلاوة مضرة و مؤلمة و مع الوقت كدير ترهل و هادشي عن معاينة فماعمرني جربتها قبل ما نتزوج و كنت ديما كنستعمل اي الة حلاقة و صافي 
المهم راكم عارفين النتيجة شعر خشن و حكة و المنطقة زرقة غادية للكحولة 
ما كانش عندي مشكل زايد ناقص 
ايييوا ختكم جاها العرس على غفلة و كلشي كان عندي مزروب و كنفكر يا ربي مولاي كي غادي ندير , مشيت جربت الحلاوة قلت نديرها غي الايام الاولى د الزواج نخبيو بيها شوية الخشونة هههههههه ساعة درتها جوج مرات و حلفت لا عاودت مع اني استعملت كريم ايملا اللي كيبنج الخ الخ و لكن هلكااااتني و نوضات ليا الحبوب 

بديت على الخلطات و اللي داومت عليها هي الحامض و الكليسوليد و الما ورد كل نهار كنمسح بيها بزاااف د المرات و ما بقيتش كنلبس الملابس الداخلية فالدار هادشي قبل الزواج ب اسابيع قليلة 
المهم كانت نتيجة بسيطة و لكن مازال المشكل قائم اسوداد و خشونة الشعر اللي كيطلع 
وصل نهار العرس و ختكم هزات الراية البيضا و عرفت بانه اللي ليها ليها ههههههههه 
المهم ما لقيتش مشكل من هاد الناحية مع زوجي و لكن انا ما كنتش راضية على الوضع , 
الغريب فالامر انه لقيت زوجي ما كيستعملش نهاااااااااااااائيا الة الحلاقة العادية يعني ما كدورش فالدار من غير اللي جبت معايا , استغربت مع انه ماشاء الله نقي و ما عندوش المشاكل اللي عندي انا يا حسرة و انا اللي انثى زعما هههههه 
و لكن لقيت عندو الة حلاقة كهربائية كتشبه لهادي 



للتخلص من الشعر الزائد في أي منطقة في الجسم وللأبد

ما غالياش بزاف و كيستعملها لجميع الاستعمالات 
زعمت جربتها للمنطقة المرة الاولى كنت خايفة لا تكون مؤلمة ساعة ابداااااا خفيفة ضريفة صافي ولفتها و ليت كنديرها حتى للابطين 
صافي داااز الوقت كنت مراااا مرا كندهن الحامض مور الحلاقة او كريم كيف ما كان و لكن ماشي ديما و ما عمرني رديت البال حتى كنلقى مع الوقت و الله شاااهد عليا شعر المنطقة ولا كينوض رطب و قليل و المنطقة بياضت سبحان الله فمدة ديال اربع او خمس شهور !!!!! 
امر اخر ان هاد الالة ملي كدوزيها على لحمك كدير اهتزازات سبحان الله و كانها كتنشط الدورة الدموية .
انا كتبت الموضوع و قلت ليكم اسراري باش نقوليكم حاجة وحدة اللي معدبة مع هاد المنطقة تمشي تشري tondeuse بحال هاديك و لا تسرق ديالت راجلها هههههه و الله حتى غادين تهناو و تفكروني .
اللي قرات الموضوع و فادها تدعي معايا ييسر ليا ربي حملي و يفكني على خير



التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة