مواضيع مهمة

مرحبا بكن في ربة بيت ممتازة
بتاريخ : 13‏/02‏/2017

وصفة طبيعية مجربة للتخلص من الرؤوس السوداء في الأنف


وصفة طبيعية مجربة للتخلص من الرؤوس السوداء في الأنف



شوفوا الانف كيف عامل قلة العناية والنظافة مايديروا 
اجي تشوفي كيفاش تزولي هاذ المشكلة الي مخسرة لك
المنظر وربي قال لنا النظافة من الايمان 


اخواتي الغاليات ما كاين ما اعدا لنا من النقط السوداء
فملي تتنظفي وجهك وتتعملي جميع الاهتمامات ديالك 
باش تحصلي على بشرة نقية وصافية وجميلة في نفس 
الوقت ولكن تتنساي او تتعكزي على الانف ديالك والى
لاحظتي تتبان لك شي حاجة ناقصة وهي النقط السوداء
واضحة وباينة وخاصة بعد العناية بالبشرة كما قلت لانها 
تتزيد تظهر اكثر وتبان ولهذا اليوم جبت لك وصفة تقضي 
عليها ولكن المداومة باش ما ترجعش لانها تتراكم بسبب 
الاوساخ وتتقفل المسام والى ما زولناهاش تتزيد تكبر 
وتعطي منظر قبيح للبشرة وخاصة ملي تتبغي تعملي
الماكياج تيبان الانف بحال الزرواطة هههههههههههه
ما نخلعكومش غير خاص هاذ النقطة تنتابهوا لها بزاف 
بلا ما نطول عليكم نجيوا للموضوع 


اول شيء غادي نحضروا هو حمام البخار
الي بلا به ما تفتح لك المسام وما تقدري
تخلصي من النقاط السوداء 

حمامنا غادي نحتاجوا فيه :

كمية من النعناع بسيقانه

وشوية البابونج 

ونصف حامضة مقطعة طريفات 



تغلي الماء مزيان بحال بغيتي تعملي اتاي



وتعملي الكل في شي بانيو صغير 

وتغطي راسك بفوطة وتخلي هاذ البخار يعمل
الفوائد ديالو على البشرة حتى يبرد على
خاطرو والمدة راه تقريبا 10 دقايق
كافية باش تفتح المسام وتشبعي بفوائد
البخار الصحي ومن بعد تنشفي وجهك 
وتاخذي مراية تكون تتبين كبير وتاخذي 
كلينكس بين اصابعك وتبداي تخرجي في
الفوسفاط راه غادي يكون ساهل باش
يخرجوا، وتنصح باش يعمل لك هاذ العملية 
شي حد باش تكوني مستلقية و تساهل
عليك العملية واي حبيبة صغيرة في 
الوجه كله تبان لها وتزولها لك ومن بعد 
مسحي بالماء ورد وحضري القناع التالي :

بياض بيضة طربيه مزيان وضيفي لو
معلقة الطحين الفورص خلطيهم مزيان 
حتى يولي بحال العجينة وطلي به وجهك 
وركزي على الانف وخليه حتى ييبس 
على وجهك كله وزوليه بعناية وتشوفي 
وجهك نقي بزاااااااااف وصافي ومجبد 
لان هاذ القناع بعد الحمام تيجبد الوجه 
ويحارب التجاعيد وخالي من النقط السوداء
وخاصة الانف غادي يبان لك الابيض وجميل 


وهاذ الحمام مرة في كل 15 يوم 
باش ما يتراكموش النقط السوداء 
وارميوا عليا العكز وتهلاوا في روسكم
ما يحك جلدك غير ظفرك 
ايوا باقي باغي تزيدي بنيفك القدام 
راه الريش تيغلض النيف ههههههههههههه
خلعتكم باش تنوضوا تباليوا بالنيف وتنقيوه
الوصفة مجربة ومعتمدة دائما 
وبالصحة والراحة موفقات ان شاء الله 

نتمنى الي جربت وصفتي تدعي معايا 
وربي ينفعنا كاملين



التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة