مواضيع مهمة

مرحبا بكن في ربة بيت ممتازة
بتاريخ : 20‏/02‏/2017

للتخلص من الشعر الزائد في المنطقة الحساسة بطريقة سهلة ودون حساسية ولا حكة ولا رائحة كريهة



للتخلص من الشعر الزائد في المنطقة الحساسة بطريقة سهلة ودون حساسية ولا حكة ولا رائحة كريهة

طريقة ازالة الشعر من المنطقة الحساسة 

اول شيء تنعرفوا ان هذا الشعر الي
هو معروف في السنة بشعر العانة 
تــيكون مصدر الروائح المزعجة لانه
قريب من السبيلين واكثر من هذا انها منطقة
تتكون كثيرة الافرازات الذهنية والى ما انتبهناش
لها تقدر تصاب باورام عافانا الله واياكم منها 

والحمد لله ان ديننا قال لنا منذ الاف السنين
ان الوقاية افضل من العلاج والنظافة من الايمان 

كيفاش خاصنا نزولوا الشعر كل وحدة 
غادي تقول لاسير او الحلاوة الاخرى
غادي تقول الكريمات المزيلة للشعر
ولكن الي خاصك تعرفي حبيبتي ان
كل هاذ المسائل تتسبب لنا في سواد 
المنطقة وكذلك في نتائج عكسية والحمد لله 
نبينا صلى الله عليه وسلم الذي لم ينطق
عن الهوى بل هو وحي يوحى اليه هو
النبي الامي الذي اوصانى بحلق العانة
ونتف الابط

عن أنس بن مالك رضي الله عليه وسلم قال :
" وقت لنا رسول الله صلى الله عليه وسلم 
في قص الشارب وتقليم الأظافر ونتف الإبط
وحلق العانة ألا نترك أكثر من أربعين ليلة "
رواه مسلم 

رسولنا الكريم لم يذكر لنا هذا الا لحكمة نجهلها 
ولهذا ما كاينش افضل من الحلق ونحييوا 
سنة الهادي الامين في كل شيء 

قبل ما نقوم بعملية الحلق خاصنا نديروا 
واحد عملية التقشير تنظف لنا جذور
الشعيرات الي موجودة وتنقيها مزياااان
وتعقمها ولهذا غادي نحتاجوا للتالي :

ــ معلقة عصير الحامض 
ــ معلقة زيت الزيتون 
ــ معلقة السكر سنيدة 
تخلطيهم تنظفي بالماء دافئ وديري
الخليط وتبداي تحكي به يعني تفركي به
المنطقة باش تنقى جيدا من بعد تشلي
مزيان ويكون ديما حاضر في حمامك
منقوع البابونج اولا مهدئ وثانيا
تيفتح لون المنطقة عاودي غسلي
بجيل الانتيم ديالك

دبا ندوزوا الحلق
كاين عدة طرق اما بموس الحلاقة ولكن ماشي 
اي موس بالعكس خاص يكون موس الشفرة 
ديالو من جودة عالية ماشي موس الرجال 
الحمد لله كاين مواد الحف للاناث شري الماكينة
من الصيدلية موجودة خاصة بالاناث بحال
فينوس



او جيليت ماركة اصلية 

او الة براون 



صابون نوعية جيدة 
لنفترض انه ما عندناش الالة غادي نستعملوا 
موس الحلاقة تبعي معايا المراحل وان شاء الله 
تستافدي اكثر 



باش ديري العملية منظمة ومحكمة وبطريقة سليمة 
اول شيء راه قلنا من الاول قبل اي شيء خاصك
ديري عملية التقشير من بعد تنظفي
بالجيل الخاص الانتيم ديالك


وخذي المقص
الى كانت الشعيرات بمقدورك تحفيها اولا
من بعد دهني بالصابون الخاص بالحلاقة
ثم خذي الموس وتبعي عكس نمو الشعر بشوية 
راه الى كنت تتحفي باتجاه نمو الشعر يعني من
الفوق للتحت ملي تتنوض الشعيرات تتنوض خشنة
وتتلقى البلاصة عوجة على فين كانت تبعي 
الشعر من الفوق للتحت 


من بعد يكون عندك القطن ومنقوع البابونج
ضيفي لو معلقة الكليسيرين وبه تمسحي تينعم
المنطقة ويرطبها من بعد ديري:

خليط معلقة النشا 
مع معلقة ماء البابونج 

وطلي بهم المنطقة باش يتقفلوا المسام الي
زولت منهم الشعر وملي ينوض الشعر ما 
يسببش لك ازعاج و يهدئها






وبالصحة والراحة




هذا بالنسبة للاخوات الي ما عندهمش الة براون 


الخاصة بالحف هي رائعة في ازالة الشعر
بطريقة جيدة نتمنى تكون عندنا كاملين 
باش تكون عملية الحلق جيدة 
ومفيدة وبلا متاعب 


بالصحة والراحة النعومة



التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة