وصفة طبيعية لحل جميع مشاكل الشعر
السلام عليكم الغزالات اش خباركم نتمنى تكونو بخير و على خير
هادي واحد الوصفة خطيرة و النتيجة مضمونة و بحال السحر و ديال ناس زمان عطاتها ليا واحد السيدة مراكشية كبيرة لقيتها عند العطار في الملاح حيت شعري كان حالتو و لا كلو شانطيات و گالت ليا ما كنعطيها غير للناس للعزاز بلا مانطول عليكم المكونات كثار و لكن النتيجة تستاهل
القرنفل. الورد. الخزامة. السنبل. ورقة سيدنا موسى. الريحان الاخضر و الاحمر. السانوج. حب الرشاد. الدباغ البلدي. سرغينة الخاصة بالشعر. تارة. العفص. حبة راس. فرفيرة. ازرودة. الحرمل يتحمر. المقارط الذهبية و الفضية الحديدة الحمرة)(. فسخ الحنش. شوك القنفود. جدور القصب. نواة الثمر. نواة الزيتون بدون صودا) هادو يتحرقو في الفران و من الاحسن شي حديدا و طلعيهم للسطح على ود الريحة
من بعد ما تسالي الدقان ديال هادشي راه غادي يعطيك الخير و البركة جيبي الزيت البلدية و دفيها شوية و خلطي لكل كاس من الخليط3كسان زيت و دريها فشي بلاصة مظلمك بلكار الكوزينة و لا الدوش مثلا و مرة مرة حركيها و حتى القطران و لكن انا ما درتوش حيت الراجل ديالي ما كيحملش ريحتو.
و الله العظيم هاد الوصفة الا تبعتيها راه غادي يخلف ليك الشعر و تشوفي الشعر صغير كينوض. ماشي تستعمليها شهر و تگولي ما دارت ليا والو.
اى استفسار انا في الخدمة
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
