مواضيع مهمة

مرحبا بكن في ربة بيت ممتازة
بتاريخ : 20‏/02‏/2017

وصفة طبيعية فعالة للتخلص من التشققات وجفاف البشرة والأمراض الجلدية في فصل الشتاء






تنعرفوا في فصل الشتاء تتبان في البعض
اعراض جلدية بحال الاكزيما والقشرة وزروقية
في الايدين والرجلين وجفاف في الشفتين والبشرة
تتبان شاحبة ولا لون لها 

من هنا خاص الاهتمام بالعناية المركزة 
في هذا الفصل اكثر من الصيف لان الصيف
تتغسلي وجهك بالماء البارد وكلشي متاح
يعني لا خوف من الكسل او العكز بخلاف في
فصل البرد اول شيء النظافة الروتينية 
للبشرة طيلة السنة كالصيف كالشتا 

وفي هاذ الفصل بالذات فين خاص يكون
التركيز على وضع اقنعة الي تتصحح العيوب
الي تنعانيوا منها بحال البقع او الكلف او اثار
الحبوب بحكم خاص نحضروا البشرة للصيف
تتكون المناسبات واللقاءات مع الاحباب بحال
حالات المغتربات نعطيك نصائح مهمة
كيفاش تعاملي مع البشرة ديالك :

1 الغاء الصابون في فصل الشتاء نهائيا
لانه تيزيد البشرة جفاف على جفاف

2 الحليب المرطب واللوسيون دائما جوج
مرات في اليوم صباحا ومساءا مع 
القيام بالتقشير جوج مرات في الاسبوع 

3 ضروري ومؤكد كريم مرطب ومغذي
جدا ويكون غني باكسيد الزنك

4 الغسيل بماء ماشي بارد وماشي 
ساخن يكون دافئ واكثر مائل الى البرودة

5 كريم الواقي من البرد كما هو في
الصيف ضروري 

6 واقي للشفتين بحال كريم كاكاويت يكون
غني بفيتامين د الي تيعطي مرونة 
ورطوبة وطراوة 

7 اليدين تيتعرضوا للشيخوخة قبل كل شيء
بحكم الاعمال البيتية تنعرفوا الكوزينة 
والوقت الي تتاخذ منا لهذا خاص كريم
مغذي ومرطب بعد نهاية الاعمال 

8 الاظافر تيتصابوا بالهشاشة او بالضعف
خاصهم قناع مغذي ومقو في نفس الوقت 

9 الرجلين كذلك خاصهم العناية والاهتمام كذلك 

الى اهتمينا بهاذ النقاط كلها واعطيناها اهتمام
بالغ ما يجي فين يجي الصيف حتى يلقا
كلشي على حقو وطريقو وبشرة 
صافية خالية من العيوب




التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة