مواضيع مهمة

مرحبا بكن في ربة بيت ممتازة
بتاريخ : 19‏/02‏/2017

خلطة العروس للجسم والأسنان والبشرة والشعر



خلطة العروس للجسم والأسنان والبشرة والشعر


اول حاجة الي غادي تبالي بها هو العنق 
باش ان شاء الله ملي تجي ام العريس او هو نيت من بعد ونسميوه لك 
بو الركابي ملي يبغي يهديك شي قلادة او شي رادكو كما تنقولوا يلقى 
النعومة والرطوبية والاشراقة في العنق .
من غدا تبداي لان الوقت هو هذاك باش توجدي راسك يعني باقي لك 
شهر مزيان باش تكوني واجدة ونيو في نيو 
غادي تجيبي

حفينة اللوز طحنيه بقشورو
وطحني شوية الحلبة 

وتخليهم مفرقين في شي زلايف ومغطيين وتبقاي تاخذي معلقة من اللوز 
ومعلقة من الحلبة وتخلطيهم بعصير الحامض وشوية الحليب العادي الي تنشربوا
تخلطيهم وتعمليهم على عنقك وتوجدي شي طريفات ديال حياتي وتعمليهم مستطيلات 
بحال الفاصما وملي تحطي الخلطة تخليها حتى تيبس وتغطسي ذوك الطريفات ديال 
الثوب في الحليب وتحطي فوق من العنق بعدما تكون الخلطة يبست باش ترطاب 
وتبداي تحكي فيه بشوية باش تزولي الجلد الميت ويرطاب ومن بعد تغسلي او دوزي 
شي بونجة فازكة ومن بعد ديري القناع التالي زيت اللوز المر والحامض وباذن الرحمن 
تشوفي العجب في تصفية العنق في ظرف قليل ولكن كل نهار وما تعكزيش ومن الليل 
الليل دهني بزيت اللوز المر هذا بالنسبة للعنق .

بالنسبة للجسم ما كاينش ما احسن من التربيمة الرائعة الي حنا بها ديما عريسات 
غادي يكون عندك فيها المواد التالية :

تبريمة العروس الي فيها :
الحنة 
الورد 
الخزامى 
زريعة الكتان 
الخرقوم البلدي 
عكر الفاسي
غاسول اخضر
معلقة الصابون البلدي 
بطاطة محكوكة 
قرعة ماء الزهر 
تخلطي كلشي ديري قياس معلقة من الحاجة الا الحنة ديري منها جوج معالق 
تخلطي كلشي يجيك خليط ثقيل ديريه لحمك قبل ما تمشي للحمام تقدري دفيه 
في حمام مريم باش ما يجيكش بارك او دخلي للحمام ديال الدار وديريها في الصباح
وفي العشية سيري الحمام ديريها مرة في الاسبوع ومن بعد بداي تحكي وتشوفي 
الجلد كيف غادي يولي المسام يتحلو ويتنقاوا ومن بعد ديري الكريم التالي الرائع 

اول شيء تقادي المنقوع ديال الاعشاب 
بابونج خزامى ورد تكبي عليهم ما ء مغلي وتغطيهم وتخليهم حتى يطلقوا مزيان 
من بعد 
صابونة دوف محكوكة
باكية الغاسول الابيض 
حك كليسيرين يعني الكريم الي تيتباع في حك احمر 
كاس كبير حليب غبرة مخلط بالماء 
كاس كبير من المنقوع الي وجدنا 

تسخني السوائل وهي فوق النار مهيلة ضيفي لها الصابون وانت تتحركي 
من بعد تزوليهم من فوق النار وتعمليه في الخلاط الكهربائي ومن بعد 
يتخلط كلشي ضيفي لهم حك الكريم وخليه في علب او حك كبير بغلاقتو 
وملي تمشي للحمام بعدما تحكي تطلي لحمك كلو بهاذ الكريم الرائع 
وتبقاي به مدة ربع ساعة حتى نص ساعة واصلا ما غاديش تبغي 
تزوليه ههههههههههههههههه غادي تعجبك ريحتو والرطوبية والصفاء
ومن بعد ديري الصابون كيف موالفة وتشلي وبالصحة والراحة 

وتقدري ديريها ملي تجي من الحمام الغد تطلي لحمك بالليل وتباتي بها 
حتى للصباح ودوشي تيتنقى اللحم كلو وتولي بحال الشمعة






التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة