مواضيع مهمة

مرحبا بكن في ربة بيت ممتازة
بتاريخ : 28‏/03‏/2017

لتحضير صابونة مبيضة للجسم ولتوحيد لونه



لتحضير صابونة مبيضة للجسم ولتوحيد لونه

السلام عليكم خواتاتي

هدي اول مشاركة ليا فقسم البشرة و قلت نشارك معاكم وصفة صبونة المعدنوس خاصتي اللي ما تتخطانيش و اللي هي سر صفاء و نضارة بشرتي

كيما كل تايعرف المعدنوس عندو فوائد كتيييرة للبشرة يصفي و يقاوم التجاعيد و البقع السمراء نظرا للمكوناته الطبيعية سبحان الله

منطولش عليكم لتخضير الصابونة المعدنوس غادي نحتاجوا
1ربطة معدنوس
معلقة كبيرة نشا
معلقة كبيرة نيدو
معلقة كبيرة عسل
كاس ماء ورد و صابونة طاووس طبيعية
-*طريقة التحضير
ناخدو الربطة المعدنوس من بعد ما نغسلوها نجردوها بجدورها و نديروها في مولينيكس نضفو ليها النشا و نيدو و العسل و ماء ورد و نطحنو كلشي في مولينكس حتى يولي خليط متجانس
في ايناء على نار هادية نحطو الصابونة الطاووس مقطعة او محكوكة من الافضل و نضيفو ليها الخليط و نبداو نحركو باستمرار حتى يدوب الصابون و ينسجم كلشي
من بعد نجيبو شي مول صغير انا تنستعمل ديال الفريجو المستطيل او او اي مول صغير تكبي فيه الخليط ديالك و تغطيه بورق الومنيوم و تدخليه الفريجو لمدة 5ساعات على حسب حتى يجمد و يتماسك من بعد تطلعيه بشوية من المول و تقطعي الصابون لقطه صغيرة الاستعمال ديالك و تبداي تجبدي اللي غادي تستعملي الباقي تجتفظي بيه في ميكا في الفريجو 
و استمتعي بصابونة المعدنوس خاصتك و مفعولها تايبان من اول استعمال تلاحظي نعومة و بياض و نضارة

الى عجبكم الموضوع دعيو ليا بالذرية الصالحة الله يفرح كل واحدة فيكم بما تمنات في خاطرها ياا رب اميييين

احبكم في الله



التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة