مواضيع مهمة

مرحبا بكن في ربة بيت ممتازة
بتاريخ : 25‏/03‏/2017

خلطة رائعة لتفتيح الأماكن الداكنة في فترة وجيزة

والله العظيم وصفة جناااااااااااااااااااان مالهاش حل في اسبوعين بس خلت المناطق الغامقة عندي زي القشطة والله بدون مبالغة ده كمان في مناطق ظهرت فيها النتيجة من اول مرة والله على ما اقول شهيد ( وانا لون بشرتي خمري ع فكرة مش بيضاء ولا حاجة)
الوصفة السحرية الفتااااااااكة اهي:

-اولا:المكونات:

- 1 كوب ماء ورد اي نوع

- نص كوب ( او 3 ملاعق كبيرة ) زيت زيتون Olive oil (ويفضل بتاع الاكل عشان يكون نقي)
- نص كوب بودرة تلك (تحديث جديد على الموضوع لاتستخدمى بودرة التلك لكى او لاطفالك فهى مضرة واستبدليها بالنشا رائع)

- ملعقة صغيرة ملح أو سكر (انا عن نفسي كنت بحط نص ملعقة ملح ونص سكر)

- قليل من الماء

كل المكونات دي هتخلطيها على بعض وتحطيها في اناء معدني ( الومونيوم مثلا) وتقليبيها كويس قوي على نار هادية خالص بس مش كتير كفاية 3 دقايق كده لحد ما تشعرى ان المكونات ذابت

نيجي بقى لاهم حاجة : طريقة الاستخدام:

-اولا الوصفة دي هنعملها كل يوم بالليل قبل ماننام

- بصي ياستي تيجي بقى بالليل تدفى الوصفه على النار الى السخونيه اللى ممكن يستحملها جسمك حتى تتفتح المسام 

- وتروحي تاخدي منها بطرف ايدك كده وتدهني بقى المناطق الداكنة عندك


-بعد كده البسي اي حاجة عندك مش عايزاها ( او حتى لو عايزاها الوصفة ريحتها تجنن اصلا ) واحلام سعيييييييييييييدة

-والصبح بقى تاخدي دش او ممكن تغسليها بس بماء فقط براحتك


ملحوظة:
- خدي بالك انك ممكن تلاقي الوصفة مفصولة يعني تلاقي الصلب تحت والسائل فوق مش مشكلة عادي لما تيجي تاخدي منها قلبيها ف السريع كده بأيدك 

عشان تاخدي الاتنين مع بعض


التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة