مواضيع مهمة

مرحبا بكن في ربة بيت ممتازة
بتاريخ : 01‏/03‏/2017

وصفة طبيعية للتخلص من الشعر الزائد والرؤوس السوداء في الوجه



وصفة طبيعية للتخلص من الشعر الزائد والرؤوس السوداء في الوجه

ااهلين بالحبايب جبت ليكم اليوم وصفة غتشكروني عليها
فوائدها:
مبيض طبيعي وازالة الخلاية الميتة وازالة النقط السوداء وازالة شعر الوجه 
تستعمل للوجه فقط
غنحتاجو:
الفول مطحون والحمص مطحون وجوج بيضات بلديات
اول حاجة رطبي الحمص وفسخيه ونشفيه فالشمس وطحنيه يكون مشطط بحال القوام تاع النشا يكون مغربل من ليبا مزيا
اما بالنسب للفول يتغسل وتطحن 
اوا غنشدو لمهم انا كندير عيني ميزاني
دري نفس المقدار من الفول والحمص وزدي عليهم
البيض البلدي الاصفر والابيض جوج بيضاة قلنا
اوا خلطي بكون بحال خليط ماجاري مناشف وسرحيه فوق كتتينا نقيا ودريه فالشمس حتى يكرم
وعاودي طحنيه وشططيه خاص يكون بحال النشا فالقوام 
او وحتافضي بيه فشي بواطة وتولي تشدي عند الاستعمال جوج معالق وخلطيهم بشوية تاع ماء الورد يكون الخليط شوية عاقد ودهني وجهك الطبق تكون شوية غليدة غير شوية اوا وسيري التكاي نعسي كاع لحتاش باش تنشف كياخد لوقت وكتحسي بوجهك مجبد
مدحكي متدوي
باش ميتشقق ليك
اوا وبداي تحيدي يعني تقشدي فالاتجاه المعاكس للشعر وشوفي واش الزغب حيد ولا لا وفي الانف كتلاحضب نقط سوداء ملي كتبداي تقشري
ملي تقشريه تحسي وحهك سخون دهني بماء الورد ورطبي اوا 
هدا الماسك كل مرة في اسبوع 
وهدده وصفة مجربة من طرفي وانشاء الله تنال اعجابكم




التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة