مواضيع مهمة

مرحبا بكن في ربة بيت ممتازة
بتاريخ : 05‏/03‏/2017

للتخلص من الرائحة الكريهة في المنطقة الحميمية وتبييضها والحصول على رائحة عطرة



للتخلص من الرائحة الكريهة في المنطقة الحميمية وتبييضها والحصول على رائحة عطرة

اليوم جبتليكم واحد الوصفة رائعة للعناية بالمنطقة الحساسة فبعض المرات كتجينا واحد الحكة وتنمشيو ندوزو عليها وكتخرج لينا الدوا والشمبوانات والدوا راه حدانا وحنا ما ردينش ليه البال 
المهم خصنا نتبعو هذ الخطوات للوقاية 

اولا الملابس الداخلية خصها تكون قطنية بمعنى مايكون فيها النيلون يعني خودو السليبات اللي مكيتجبدوش وهدوك ديال 5 دراهم يقضيو الغرض احسن من الاخرين 

تانيا ما خاصهمش يتصبنو بالمكينة راه داك المساحيق مصيبة وصافي يتصبنو غير بالصابون د الحجرة

منتوضاش بالما بارد ولا بالما سخون يكون دافي 

نجيو دابا للمهم كلنا كنقليو البطاطا اوا داك الزيت ما تلوحيهش صفيه وديريه في قرعة ديال الزاج 

خودي الشيح نقيه وكبي عليه الما طايب وخليه حتى يدفا صفيه وديريه في ترموس خليه خاص بيك وحطيه في التواليت 

شري فوطات صغار وحطيهم حتى هما في التواليت في شي بلاصة تكون باينة ليك 

خودي شوية دالخزامة كبي عليها الما طايب وخليها حتى تدفا وخودي بصلة حمرا حكيها وديريها في تقشيرة نقيةليبة وعصري غير الما وخلطيه مع ذاك شوية دالما ديال الخزامى 

غدنجيو دابا للطريقة 

كل مرة منين دخلي للتواليت غدتوضاي بداك الما ديال الشيح وتنشفي مزيان بالفوطة ودهني بالزيت 

في الليل منين تسالي كلشي وما يبق عندك ما يدار ذهني بهذاك الما ديال البصلة والخزامة وديري شي خرقة وسيري تنعسي حتى الصباح عاد غسلي المنطقة بصابون الحجرةوشلي بالما دالشيح وذهني بالزيت 

منين ما تبقاش فيك الحكة غدتحيدي الما دالبصلة والخزامى 

وغير جربوها غدتحسو بالراحة اكيد



التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة