مواضيع مهمة

مرحبا بكن في ربة بيت ممتازة
بتاريخ : 03‏/04‏/2017

القضاء على رائحة الفم الكريهة والنزيف









القضاء على رائحة الفم الكريهة والنزيف
الي تيعانيوا منهم بزاف وتبييض الاسنان
وعلاج الفم بشكل عام 

عليك بالتالي : 
اول شيء حمام الفم المعالج والمطهر
دقة بطلة كما تنقولوا 

2 معالق زعتر
طريف ص ملحة حية مدقوقة
2 معالق خزامى
2 معالق يزير 
حبيبات القرنفل 
2 معالق بابونج 
طريف السواك
وريقات من السالمية
شوية المعدنوس 

هاذ الشي كلو يتغسل وتكبي عليه الماء مغلي
مزياااان وتغطيه وتخليه يطلق من بعد تصفيه
وتعمليه في قرعة وتبقاي تمضمضي به فمك
لمدة 10 دقايق غادي تحسي بالفرق بسرعة
تيتكمد لك اللحم وما يبقاش منفوخ و تتنقى
اللثة والاسنان واللسان من الباكتيريا 
و تعملي غرغرة كذلك ، وبهذا غادي
تجبر لك اللثة وتماسك اللحم ديال الفم 
وما يبقاش يدوز لك بالدم تقدري ديري
بالزايد وتحتفظي به في الثلاجة لمدة 
اسبوع وكل ما بغيتيه يكفي دفيه شوية
وهاهو واجد.

ومن بعد قبل تنعسي دهني السنان
بزيت العود ودوزي بشتة ديالك الي
تكون رطبة ماشي قاصحة لان الشيتة
فيها 3 الانواع الرطبة والمتوسطة
والقاصحة الي فمها تدوز بالدم تستعمل
الشيتة الرطبة ومع هاذ الحمام ان شاء الله
تقضي على المشكل ديالها ، وفي الصباح
عاودي بحمام الفم في البرد تقدري تسخنيه
وبمشيئة الله تتمشي الرائحة الكريهة 

ويتنقى الفم بشكل عام ويتعالج
من النزيف 

باش تبيضي السنان وتزولي منها الاصفرار
وترجعي لها البياض ديالها وتكون تتلمع ونظيفة


لسنينات بيضين صحيين غادي تاخذي
حامضة تكوني عصرتيها وتكتفي بالي
بقا لك يعني النص الحامضة خاوي بحال
الزليفة غادي يكون عندك

البابونج 
والزعتر 
و السالمية
والقرفة
والسواك 
طريف ملحة حية

كلشي مطحون السواك راك غادي تسخنيه
باش يتقرمش ويتطحن لك هاذ المواد كلها
مطحونة ومغربلة ناعمة بحال البدرة
وتعمليها في شي حك وتبقى معتمدة 
عندك فينما بغيتي تبيضي السنان ما 
عليك غير تاخذي النص ديال الحامضة
وتاخذي معلقة صغيرة من المطحون الي
عندك وتبداي تحكي السنان تيخرجوا
بيضين ناصعين وتخلصي من الكال الي
تيتجمع فيهم وهكذا الى تبعتي هاذ
المنتوج الطبيعي السليم غادي تكوني
بعدت على طبيب الاسنان و درت نظافة
شاملة وصحية وسليمة للفم بشكل 
عام والسنينات كذلك . بالصحة والراحة

ملاحظة بحكم اننا تنستهلكوا الشاي
وتنستعملوا في الطبخ ديالنا الزعفران
او الخرقوم الي تيخلي لنا الاسنان صفراء
فكلما شربنا اتاي عليك بشرب كاس الماء
باش ما يخليش لك الصفورية على اسنانك
وكذلك شيء مفروض بعد الاكل غادي 
نحكوا اسنانا والعناية والوقاية افضل
بكثير من العلاج





التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة