مواضيع مهمة

مرحبا بكن في ربة بيت ممتازة
بتاريخ : 04‏/04‏/2017

وصفة طبيعية مجربة للتخلص من البثور وحب الشباب وآثاره



وصفة طبيعية مجربة للتخلص من البثور وحب الشباب وآثاره

الى كل من تعاني من الحبوب واثاره اليك هذه
الوصفة الرائعة ان شاء الله تكون نهاية المطاف 
وترجع البشرة صافية رائعة وبيضة نقية 
حتى حبة ما تبقى ان شاء الله 




ملاحظة اياك اختي ان تلمسي الحبة الى ناضت لك 
راك تتزيدي تعمقي في المشكل وتخلي اثار يمكن تمشي 
البقعة لكن الحفرة تبقى وتخسر لك منظر وجهك الجميل



الوصفة ساهلة لصاحبات البشرة الذهنية اولا :

الوصفة الاولى:

معلقة النشا الي هو ميزينا 
معلقة الورد 
معلقة عصير الليمون الي هو البرتقال 
نص بطاطة مصلوقة ومحكوكة

تخلطي المواد كلها حتى تحصلي على قوام كثيف رطب 
وانت تدعكي في البطاطة باش يجيك القناع رطب وملس
بعدما تعملي حمام البخار الي غادي تلقاي الوصفة ديالو 
في الملف اوتعملي كوماج باش تخلي البشرة مستعدة 
لاستقبال القناع ساهل فقط الحليب مع النخالة تحكي به
وجهك باش تنقي البشرة مزيان من الاعماق من بعد
واحد الساعة عاد حضري القناع ديالك ديريه مدة 20 د
حتى 30 دقيقة من بعد تغسليه بالتدريج تفزكي ايديك
وتبداي تعملي حركات دائرية بالمهل بحال تتحكي فيه 
غير بالمهل وانت تتبلي ايديك ومن بعد تغسلي
بماء دافئ وتعاودي بماء بارد شوية ونشفيه 
ودهنيه بكريم مرطب خاص بنوع البشرة الذهنية
باش المسام تغذى وتهدا من بعد القناع 
وبالصحة والراحة نتمنى نشوف التطبيقات باش
تكون المنافسة قوية وترفع المعنويات ان شاء الله .


الوصفة الثانية لنفس الغرض :

صفار بيضة 
2 معالق عصير الحامض 
معلقة العسل 

تخلط المواد كلها مزيااااان وتعمليها على الوجه
بعدما تكوني نظفتيه ومسحتيه بماء الورد وتخليه
لمدة 30 دقيقة ومن بعد تغسلي وجهك كالعادة 
بالتدريج في الاول تفزكي ايديك وتبداي تعملي
حركات دائرية ومن بعد تغسلي وتقدري تغسلي
هاذ القناع بالصابون الخاص بالبشرة 
ديالك الي تلقاي وصفته في الملف 
ان شاء الله وبالصحة والراحة .


الى كررت واحد من هاذ الاقنعة: 2 حتى 3 مرات
في الاسبوع تكوني عملت نهاية لذيك البقع و 
بالمتابعة والمداومة ما يجي فين يكمل الشهر 
حتى تلاحظي الفرق الكبير ، والخلط كذلك هو
الي ما تيخلي اي وصفة تعطي مفعولها بمعنى
كل نهار ندير وصفة في شكل اكبر غلط ،
في انتظار التطبيقات وبالصحة والراحة .

باقي المزيد من الاقنعة الخاصة بالحبوب 
والاثار ديالو يالاه همتكم تهلاوا ليا في روسكم




التعليقات

صوت وصورة

copyright © 2016 جميع الحقوق محفوظة لـ مرحبا بكن في ربة بيت ممتازة